Rayberê PKK’yî Abdullah Ocalanî pêvînayîşê de ke 14ê Çileyê 2013î bîyo bale ant kiştişê 3 cinîyanê Kurdan ê sîyasetmedar û dîplomatî ser ke Parîs de ameyê kiştene û va: “Guleyê ke ginayî 3 cinîyan ro, ginayî demokrasîya Ewropa ro .”
Heyeto yewin 3ê Çeleyê 2013î de şi Îmrali. Heyeto ke Parlamentera BDP’yî Ayla Akat Ata û Hemserekê KCD’yî Ahmet Turk ra ameyêne pê, şîyî Îmrali Rayberê PKK’yî Abdullah Ocalanî reyde pêvînayîş kerd. Badê pêvînayîşî, 9ê Çileyê 2013î de Parîs de 3 cinîyê Kurdî yê sîyasetmedar û dîplomatî Sakîne Cansiz, Fîdan Dogan û Leyla Şaylemez ameyêî kiştene. Badê ey 14ê Çile de Mehmet Ocalan şi Îmrali.
Birayê Rayberê PKK’yî Abdullah Ocalanî Mehmet Ocalanî 14ê çeleyê 2013î de şi Îmrali û Rayberê PKK’yî Abdullah Ocalanî reyde pêvînayîş kerd. Mehmet Ocalanî ard ziwan ke birayê ey Abdullah Ocalanî derheqê qirkerdişê Parîsî de wina vat: “Qerarê qirkerdişî qerarêko sîyasî yo ke qada mîyanneteweyî de ameyo girewtiş. Guleyê ke sereyê 3 cinîyan ro ginayî demokrasîya Ewropa ro ginayî.”
14ê çileyê 2013î de birayê Rayberê PKK’yî Abdullah Ocalanî Mehmet Ocalan, Maya Bayram Kaymaz Medîne Kaymaz û Waya Cumalî Karsu Pervîn Oduncu bi Keştîya Tuzla ya ke ameyêne vatene 538 rojî yo xirab a, şîyî Girawa Îmrali. Mehmet Ocalanî derheqê pêvînayîşê 14ê Çileyê 2013î de DÎHA’yî rê qisey kerdbî û ardbi ziwan ke birayê ey derheqê suîkastê de ke vera 3 sîyasetmedaranê Kurdan ê cinîyan bîyo wina vatbî ‘No qerarêko sîyasî yo ke qada mîyanneteweyî de ameyo girewtiş o. Nê merdimî merkezê Ewropa de ameyê qetilkerdene. Gulleyê ke 3 cinîyan ra ginayî demokrasîya Ewropa ra ginayî. Na xebere hetê hêzanê ke prosesî ser o tesîrê negatîfî kenê, ameya caardiş. Vernîya prosesî hema nêameya akerdene, hema kilîtî gêrenê.’ Mehmet Ocalanî ardbi ziwan ke birayê ey vatbi ‘Proses zaf hesas o û ganî her kes baldar bo. Eke no proses bêro blokekerdiş do rojê zehmetî bêrê ciwîyayene. Ganî şar zaf baldar bo û tedbîran bigîro. Eke proses wina dewam bikero beno ke qirkerdişê sey yê Parîsî bêrê ciwîyayene. Eke qirkerdiş bêro roşnkerdene do paştî bido prosesî. No mesele de berpirsîyarîya tewr girde kewena Fransa û heme dewletanê Ewropa ser o.’ û bale antbi muhîmîya roşnkerdişê qirkerdişî ser o.”
