Rayberê Şarê Kurdî Abdullah Ocalanî bi munasebetê wefatê Endamê Konseya Hemserekîye ya PYD’yî Salih Muslimî mesajê serweşîye erşawit û wina vat: “O kerrayêka goşeyî ya dêsê Rojava bi ke ez her tim ci ra bawer bîya û do her dem wina bibo.”
Rayberê Şarê Kurdî Abdullah Ocalanî bi munasebetê wefatê Endamê Konseya Hemserekîye ya Partîya Hemserekîye ya Demokratîke (PYD) Salih Muslimî ke 75 serrîya xo de şi heqîya xo,mesajê serweşîye erşawit.
Mesajê Rayberê Şarê Kurdî yo seba Salih Muslimî wina yo:
“Demo ke Embaz Salih Muslim na dinya ra koç keno,
Mi xebera wefatê embazo delal Salih Muslimî şand girewte. Heta serê sibayî i cehd kerd ke ey û têkoşînê ey bîyara xo vîr. Bêguman seba lajanê ey, merdimanê ey û heme embazanê ey, o êdî yewo bêmerg o. Seba şarê xo û Welatê xo senî ke lazim bi, wina ciwîyayo û bîyo bêmerg.
Welatperwêrêko raştikên ê erdê Sûrîye bi. Kurdî reyde bi temamî kurd; erebî reyde embazêko bêemsalê; tirkî reyde zayêne bibo birayêko heq. Ey asûrî, armenî, çerkesî zî tede her etnîsîte reyde, dîn û mezheban reyded awankerdişê resayîşêko merdimîn yo bêkemane kerd bêşêko muhîm ê cuya xo.
O kerrayêka goşeyî ya dêsê Rojava bi ke ez her tim ci ra bawer bîya û do her dem wina bibo. Ez ey sey Sirri Sureyya Onder vînena ke Prosesê Aştî û Komelê Demokratîkî de mabênê ma ra şiyo. Do nê bingeyî ser o, sey estareyo bêmerg ê têkoşîn û aştîya ma bimano.
Şehadetê Salih Muslimî vîndîkerdişêk nîyo. Eksê ci, sey hêzêko raştikên do heme şarê ma, heme şaran, netewe, dost û hemrayanê xo her tim xurt bikero.
Abdullah OCALAN
12ê adara 2026î
Îmrali”
