Platformê Sazgehanê Demokratîk ê Rihayî vera hêrişanê HTŞ û SMO’yî Pirsûs de rayîrşîyayîş kerd. Keskîn Bayindirî eşkerayîya dimayê rayîrşîyayîşî de qisey kerd û wina vat: “Adiro ke Heleb de ameyo wekerdene do her ca biveşno.”
Çeteyê HTŞ û SMO’yî 6ê çele de hêrişê taxanê Şêxmeqsûd û Eşrefîye yê Helebî kerd. Hêrişan de xeylê welatijan cuya xo vîndî kerd û se hezar welatijan zî bêçare mend ke taxanê xo ra koç bikerê.
Platformê Sazgehanê Demokratîk ê Rihayî vera hêrişanê taxanê kurdan ê Helebî û Rojava qezaya Pirsûs a Riha de bi sloganê, “Rojava hêvî ye, wijdan e: Gelê Rojava ne bi tenê ye” rayîrşîyayîşêk organîze kerd. Birayê Rayberê Şarê Kurdî Abdullah Ocalan Mehmet Ocalan, Hemserekê Pêroyî yê DBP’yî Keskîn Bayindir, Hemverfeka DEM Partî Ayşegul Doagn, hemserek û rayberê partîyanê sîyasî, temsîlkarê sazgehanê komelkî, parlamenter û Hemşaredarê DEM Partî û bi hezaran weatijî beşdarê rayîrşîyayîşî bîyê. Rayîrşîyayîşî de pankartê “Xwedî derketina Rojava xwedî derketina mîrovahiyê” ame akerdene û sloganê dirûşmên “Bijî Berxwedana Rojava, Rojava Rojhilat e Kurdistan yêk welat e” Kujer HTŞ hevkar AKP” ameyê vatene.
Girse Qadê Pirsûsî de kom bi û dest bi rayîrşîyayîşî kerd. Rayîrşîyayîşî ra pey eşkerayî ameye dayene.
Ewilî Hemsereka DEM Partî ya Riha Ayşe Surucu qisey kerd. Ayşe Surucu hêrişî ke kurdan ser o yenê kerdene, şermezar kerdê û wina vat: “Ma Pirsûs de xoverdayîşê şarê kurdî yê seba azadîye silam kenê. Zerrîya ma şarê ma het de ya.”
‘HSD birayê me yo’
Dima ra Hemserekê Pêroyî yê DBP’yî Keskîn Bayindirî qisey kerd. Keskîn Bayindirî dîyar kerd ke ê bi rojan o vera hêrişan lingan ser o yê û wina qisey kerd: “Çîyo ke ma wirzna lingan ser o Ziyad Heleb û şarê kurd o. Ma do rêça înan dde bibê. Heta ke statuyê Rojava bêro qebulkerdene do şarê kurdî lingan ser o bo. Ma zanê ke tu hêzê înan çin o. Anqara ra her roje eşkerayî yenê dayene û yeno vatene ke ‘Ma eşkenê hetkarî bidê HTŞ.’ La şarê kurdî Rojava de înan rê bikerê goristan. Yeno vatene ke HSD wa Dêr Hafirî ra xo apey bianco. La her cayê Kurdîstanî siperê ma yo. Ewro bi destê Wezaretê Teberî yê Tirkîya yeno waştene ke proses bêro herimnayene. Dima zî vanê HTŞ birayê ma yo. Ma zî vanê HSD birayê ma yo. Adiro ke Heleb de ame wekerdene do her ca biveşno. Ê ke wazenê Rojava binfînê wa Kobanî ra biewnê. Ma înan Kobanî de binvist.”
