Sîyasetmedaro kurd Kemal Aktaşî ard ziwan ke vengdayîşê Rayberê PKK’î Abdullah Ocalan yewhet nîyo û va ke dewlete berpirsîyar a ke vera nê vengdayîşî gamanê sîyasî û huqûqî bierzo.
Sîyasetmedaro kurd Kemal Aktaşî derheqê vengdayîşê tarîxî yê Rayberê PKK’î Abdullah Ocalan de cewab da persanê ANF’î.
Kemal Aktaşî ard ziwan ke Rayberê PKK’î Abdullah Ocalan vejîyayîşo tarîxî kerd û nê vatî: ”Perspektîfê yew çareserî ke tarîx û aktuelî ano yew ca teqdîmê şarê Tirkîya kerd. Rixmo ke metnê eşkerayîye kilm bi her cumle û çekuyê ci de manayê xorîn bibî. Reyna derheqê şertanê ronayîşê PKKyî de zî erjnayîşê muhîmî ameyî kerdene. Ame vîrvistene ke şarêko ame red û înkarkedene semedê xo temsîl û îfadekerdişî muracatê têkoşînê çekdarî kerd. Ma heta ewro her çî bi têkoşînî fîna dest, ewro ra tepiya zî ma do bi têkoşînî ser bikewê.”
Tena bi feskerdene proses temam nêbeno
Aktaşî vengdayîşê Devlet Bahçeliyî zî vist vîrî û ard ziwan ke vengdayîşê Rayberê PKK’î Abdullah Ocalan yewhet nîyo û vat: ”Seba ke proses ever şiro ganî dewlete gaman bierzo. Heta ke gamê merê eştene, zemîno sîyasî û huqûqî nêro pêardene proses nêeşkeno aver şiro. Têna bi vatişê ‘PKK wa bêro feskerdene’ proses temam nêbeno. Ganî nimûneyanê pêkewtiş û çareserî yê prosesanê dinya ra ders bêro girewtene. Dewlete û îqtîdar ganî vera vengdayîşê Rayber Apoyî game bierzo. Seba ke îtîfaqo ke yeno waştene bêro ronayene ganî game ke hewce kenê bêrê eştene.”
