Hêzanê Îstîxbaratî yê Îranî eşt keyeyê Zîlan Kemanger ê Kamyaranî ser o û a destbendkerde.
Hêzanê Îstîxbaratî yê Îranî vizêr eşt keyeyê çalakîkera kurd a bi nameyê Zîlan Kemanger ê şaristanê Kamyaran ê rojhelatê Kurdîstanî û a destbend kerde. Komela Heqanê Merdiman a Kurdîstanî derheqê babete de eşkerayî daye û dîyar kerd ke tu qerarêkê mehkema seba girewtişê Zîlan Kemanger nêmaeyo dayene.
Reyna rêxistine eşkera kerd ke demê sereştişê keyeyê Kemanger de, hêzanê ewleyî keyeyê înan û serê înan de gêrayîş kerdo û dest dayo telefonê mêrdeyê aye. Ame zanayene ke dima Zîlan Kemanger ameya destbendkerdene, a berdî merkezê Îtlaatî yê şaristanê Sine û heta nika aye ra agahî nêameya girewtene.
