Hukmatê Almanî cewabê peşnîyaznameyê parlamentera Cansû Ozdemîrê ya hêrişanê vera taxanê kurdan ê Helebî da û vengdayîşê “agêrê serê maseya muzakereyan” kerd.
Parlamentera Partiya Çepe yê Almanya Cansû Ozdemîr dimayê hêriş û qirkerdişanê ke mabênê 6-10ê çeleye de taxanê kurdan ê Helebî de ameyê kerdene, seba cewabdayîşî peşnîyazname persêk pêşkeşê hukmatê Almanya kerdbi. Pêşnîyazname de nê persî ameybi kerdene. “Hukmato Federal derheqê hêriş û şero giran ê serê taxanê Helebî ke zafê roniştoxanê înan kurdî yê, şima erjnayîşê xo kerdo? Eke şima kerdo no erjnayîş çî yo? Sewbîna seba vindarnayîşê şidetî yê Sûrîya û pawitişê sivîlan, do hukmato federal bi înîsîyatîf tedbîran bigîro? Eke bigîro nê tedbîrî do çi bê?”
‘Hukmat bi fikare rewşe şopneno’
Hukmatê Almanî no cewab da: “Hukmato federal bi fikarêka girde xeberanê rojanê peyênan yê ke serebûtanê tedayî yê şaristanê Helebî şopnayê. Hukmato Federal peymana adirbestî yê ke peynîyê hewteyî de vîyarteyo bi kêfweşî pêşwazî kenê û vengdayîşê hetan kenê ke demo ke tewr kilm de newe ra agêrê serê maseya muzakereyan. Hukmato Federal nê vengdayişê rojanê peyênan de hem vernîya raya pêroyî de hem zî bi dayîşûgirewtişanê bilez de înan her di hetanê şerî rê îlan kerdo.”
