Şaredarîya Amedî ya Şaristanê Girdî seba 8ê Adare xeylê çatrayîran de alê zafziwanî û menewşî yê 8ê Adare aliqnayê.
Amed de bi munasebetê 8ê Adare Roja Cinîyan a Dinya dewam kenê. Her roj bi pêşengîya cinîyan xeylê tax û qezayan de çalakî, şahî yenê kerdene. Şaredarîya Amedî ya Şaristanê Girdî zî bi munasebetê 8ê Adare merkezê şaristanî de alê zafziwanî û menewşî yê pîrozbayîya 8ê Adare aliqnayê. Nê alê xumrîyî ke ser o 8ê Adare nuşteyo bale ancenê xo ser û çatrayîrî bi rengê menewşî xemilnayî. Alayan ser o bi lehçeyanê Kurmancî û Kirmanckî û Tirkî “Bijî 8ê Adare / Biciwîyo 8ê Adare” ameyo nuştene.
