Şaredarîya Amedî ya Şaristanê Girdî, bi piştîdayîşê torranê pêpiştîdayîşê herêmkî û mîyanneteweyî 12 û 16ê gulana 2026î de Amed de “Forumê Aştî û Azadîya Komelkîye” organîze kena.
Forumo ke amanc keno ke hetanê cîya yê komelan bîyaro têhet û xerîteyêka rayîrî ya hempar virazo, tede astengîyê ke vernîya aştî û azadîya komelkî de yê, sînordarîyê mevcudî û îmkananê çareserkerdişî zafhetî do bêrê erjnayene.
Çarçewaya forumî de bi sernameyanê sey perwerde û cigêrayîş, heqê gedeyan, xebatê ciwan û cinîyan, seypêyîya cinsîyetî, piştgirîya psîkososyale, huqûq û heqê merdiman, koçberîya mecburî, vindîkerdişê bi zorî, ziwan û edebîyat, kultur û huner û medya, tarîx û vîr, ekolojî û citkarîye, kedkar û ekonomî, weşîye, spor, dîn û bawerî roniştiş û atolyeyî do bêrê organîzekerdene.
Seba muracatê atolyeyan demo peyên 5ê adare yo, seba muracatê zerrîwzan zî demo peyên 21ê adare yo.
