Şaredarîya Amedî ya Şaristanê Girdî ke seba cinîyanê 18-64 serrî yê bêameyeyan xebata xo ya JINKART dabî destpêkerdene, muracatî reyna dayî destpêkerdene.
Serekîya Daîreya Xizmetanê Cinî û Keyeyî, seba ke cinîyê bêameye yê cuya înan a rojane asanêr bikero xebata xo ya JINKART dewam kena. Na çarçewa de dewreyê dîyinî yê muracatanê JINKART dest pêkerd. Tetbîqê JINKART yê cinîyanê 18-64 serrîyan, muracatanê verênan adresa https://jinkart.diyarbakir.bel.tr ra onlîne dest pêkerd. Muracatî do heta 18ê êlûle dewam bikerê.
Şertê muracatan
Muracatan de “Ganî nameyê xo ser o mulko nêkiriştbar nêbo, nêxebitîyo, mabênê 18-64 serrî bibo, karta kêmîkerda yan zî bêpere nêxebitno û ameyeyê keyeyî kêmî bo” nê şertî do bêrê esasgirewtene.
Muracatî do bêrê erjnayene
Komîsyono ke Serekîya Daîreya Xizmetanê Cinî û Keyeyî, Serekîya Daîreya Çapemenî Weşan û Têkilîyanê Şarî, Serekîya Daîreya Xizmetanê Komelkî, endamê meclîsê şaredarîye û şaredarîyanê qezayan tede ca gênê, do muracatanê JINKART, bierjnê.
