Amed de riyê vewra zafe ra xeylê rayîr û cehdeyî ameyê girewtene û no bi sebebê qezayan. Heto bînî ra Şaredarîya Amedî ya Şaritanê Girdî xebata pakkerdişê rayîr û cehdeyan daye destpêkerdene.
Şaristananê vakurê Kurdîstanî de mewsîmê cayê xo vewre rê verda. Amed de riyê vewre ra rayîr û cehdeyî ameyê girewtene. Şofor û welatijan zehmetî antê. Xeylê cayan de erebeyî sirikîyayî. Dingan de welatijî paweyê mînîbus û otobusan vindertê ke biresê cayê kar û baranê xo.
Heto bînî ra Şaredarîya Amedî ya Şaristanê Girdî seba akerdişê rayîr û cehdeyan xebatî dayê destpêkerdene. Ekîbê şaredarî seba pakkerdişê rayîr û cehdeyan mîyanê cehdan de yê. Rayîran ser o sole yena rişnayene ke rayîran ser o vewre bihelîya û rayîrî cemed nêgirî.
