Sereka Daîreya Karê Kultur û Sosyalî ya Şaredarîya Amedî ya Şaristanê Girdî Zeynep Yaş va ke xebatanê 8 aşman de bajar pê kultur û huner mird bi û ameyox de do festîvalêko fîlman o mîyanneteweyî virazê.
Daîreya Karê Kultur û Sosyalî potansîyelê kulturî, hunerî û turîzmê bajarî ano meydan û şarê bajarî tîyatro, muzîk û sînema reyde ana têhet. Festîvalê Tîyatroyê Amedî û Rojê Tîyatroyê Cinîyan ê yewinî bi viraştişê aktivîteyan dest pêkerd. Festîvalê fîlman ameyî organizekerdene û hamnanî de seba domanan fîlmî ameyî mojnayene. Daîreya ke 7 mudirîyetî tede est ê, Mudirîya Şubeya Ziwanan zî îlawe bîye ke seba pawitişê ziwananê bajarî ya.
Sereka Daîreya Karê Kultur û Sosyalî Zeynep Yaş kultur û turîzmê 8 aşman û xebatê ameyoxî ser o qisey kerd.
Yaş va 31ê Adare ra dima ke îdare girewto, xebata verêne ya Daîreya Karê Kultur û Sosyalî, aşma Nîsane de bi Festîvalê Tîyatroyê Amedî yo 9. dest pêkerdo û tîyatroyî Tirkîya û Duhok, Urmîye û Seqizî ra ameyê. Aye va ke kaykerdoxê Tîyatroyê Bajarî yê Şaredarîya Amedî ya Şaristanê Girdî bi kayê “Mirina Jeanne D’arce ya din” beşdar bîyê û kayê Don Kîxotî bê heq dewam keno.
‘Xebatî Dewam Kenê’
Yaş va ke kaykerdoxê cinîyan ê Tîyatroyê Bajarî aşma Teşrîne de 6 rojan Rojê Tîyatroyê Cinîyanê Amedî yê yewinî organize kerdo û bi kayê “Çalakiya Malçekiri” dest pêkerdo û dewam keno. Aşma Çeleyî de zî tîyatro bi aktivîteyan dewam keno. Aye îlawe kerd ke Merkezê Kultur û Kongre yê ÇandAmedî game bi game 5 hezar temaşekaran reyde aktivîteyan keno.
‘Arşîvkerdiş û Qeydkerdiş’
Yaş va ke Koşkê Cemîlpaşayî Muzeyê Bajarî de seba ke mîrasê kulturî yê bêbedenî bêro dîyayene, demêko derg o arşîvkerdiş û qeydkerdiş dewam keno û bi naye UNESCO’yî rê amade benê. Aye va ke seba gastronîmîya bajarî û UNESCO’yî zî projeyê înan dewam kenê.
‘Hazirîya Festîvalê Fîlman ê Mîyanneteweyî’
Yaş va ke 8 aşman de fîlmê derg û kilmî ameyî mojnayene û hamnanî de seba domanan fîlmî ameyî organizekerdene. Reyna Weçînayîşê Taybetî yê Festîvalê Fîlmanê Kilman yê Çewlikê Veganî û Festîvalê Fîlmanê Heqê Kamcîn Merdimî organize bîyo. Ameyox de do festîvalêko gird ê fîlmanê mîyanneteweyî virazê.
‘Konserwatuarê Aram Tîgranî Reyna Dest bi Xebatan Kerd’
Yaş va ke vîrardişê merdişê Nuştox Mehmed Uzunî yê 17. de panel, sohbet, pêşangeh û goşdarîya dengbêjan organize kerdo. Domanan rê zî Konserwatuarê Bajarî yê Aram Tîgranî reyna dest bi xebatan kerdo û Merkezê Kultur û Kongre yê ÇandAmedî de resim, muzîk û drama ameyo dayene. Sewbîna qezayan de yew hewteyî de domanan rê parkê muzîk, drama û resimî ameyî organizekerdene.
‘Pawitişê Ziwanan’
Yaş va ke Mudirîya Şubeya Ziwanan awan kerda û bi naye seba pawitişê ziwananê bajarî xebatan dest pêkerd. 2025 de nê xebatî hîna zaf do dewam bikerê.
‘Bajar do Hîna Zaf Bêro Şinasnayene’
Yaş peynî de va ke seba şinasnayîşê tarîx û kulturê bajarî fuaranê mîyanneteweyî de ca gênê û no planê stratejîk ê 5 serran de zî est o.
