Amed û Îstanbul de kesê ke beşdarê pîrozkerdişê Newroze bîyî, bi sereştişê keyeyan 13 kesî ameyê destbendkerdene.
Amed de saetanê serê sibayî de zaf keyeyan ser o eynî wext de sereştişê keyeyan ameyî kerdene. Bi sûcdarkerdişê ke pîrozkerdişê Newroze de “propagandaya rêxistine kerda” 6 kesî ameyî destbendkerdene. Destbendkerdeyan ra yew ame zanayene ke cinîyêka bi nameyê D.O. ya. Destbendkerdeyî berdî Mudîrîya Emnîyetî yê Amedî.
Îstanbul de zî pîrozkerdişê Newroze de bi îdiaya ke “propagandaya rêxistine kerda” zaf kesan ser o eynî wext sereştişê keyeyan ameyî kerdene. Sereştişan de 7 kesî ameyî destbendkerdene. Destbendkerdeyî berdî Mudîrîya Emnîyetî ya Stenbolî.
