Amerîkayî vengda welatijanê xo yê Îranî û înan ra waşt ke bilez Îran ra vejîyê. Sersefîrîya Amerîkayî vat ke riyê vêşbîyayîşê çalakîyan tehlukeyê cuya merdiman ser o vêşî bîyo.
Sersefîrîya sanal a Amerîkayî ya Îranî seba tehlukeyê cuye ser o agahdarîyêka lezgîne pare kerd û welatijanê Amerîkayijan ra waşt ke bilez Îran ra vejîyê. Eşkerayî de ame waştene ke welatijê Amerîkayijî wa programê xo yê Îran ra vejîyayîşî virazê û paweyê hetkarîya rayberîya Amerîkayî nêvinderê.
Endîşe û tehlukeyê cuye ser o vêşî benê
Sersefîrîye eşkerayî de dîyar kerd ke Îran de her roje çalakîyî vêşî benê û no zî tehlukeyê cuye ser o vêşêr kenê. Eşkerayî de seba welatijanê Amerîkayij ke ganî Îran ra vejîyê, yeno waştene ke “keyeyê xo de yan zî awanîyêka ewle de bimanê.”
Sîyasetê mudaxaleyê çekdarî
Derheqê helwêstê Amerîkayî yê Îranî ser o Verfeka Qesra Spî Karoline Leavitt eşkerayî daye. Karoline Leavitt eşkerayî de dîyar kerd ke sîyasetê Serekê Amerîkayî Donald Trumpî ewilî sîyasetê dîplomasî yo la eke bêencam bimano “sîyasetê mudaxaleyê çekdarî” zî her tim mase ser o yo.
