Rêxistina Efî ya Mîyanneteweyî (AMNESTY) bi beyanatêk veng da Îranê ke cezaya dardekerdişê ya seba Şerîfe Mihemedî biherimna û bêra azadkerdene.
Rêxistina Efî ya Mîyanneteweyî (AMNESTY) derheqê qebulkerdişê cezaya dardekerdişî ya seba tepişteya sîyasî Şerîfe Mihemedî beyanatêk vila kerd. AMNESTY’yî beyanatê xo de dîyar kerd ke ê reyêka bîne venga herimnayîşê cezaya dardekerdişî ya Şerîfe Mihemedî kenê û ganî reya bîne ra lezêr bêra veredayene. Çalakîker û kedkara heqê cinîyan Şerîfe Mihemedî (45) şarê şaristanê Ûrmîye ya û şaristanî Reştî de manena. Şerîfe Mihemedî kanûna 2023î de bi îdiaya ‘vera dewlete propaganda kerda’ ameybî destbendkerdene û 4ê temmûza 2024î de hetê Mehkemeya Şorişî ya Rejîmê Îranî ra cezaya dardekerdişî aye rê ameye dayene. Dima 12ê teşrîna verêne 2024î de cezaya dardekerdişî ya Şerîfe Mihemedî ameybî herimnayene. Tewr peyên 13ê sibate de reyna cezaya dardekerdişî daye tepişteya sîyasî Şerîfe Mihemedî.
