Hunermend Alî Dogan Gonultaşî îlan kerd ke do edetê vatişê muzîkî yo dewlemend yê herêmanê Dêrsim û Serhedî ser o vindero û derheqê formanê bingeyînan yê muzîkê kurdkî de bixebitîyo.
Hunermend û deyîrbaz Alî Dogan Gonultaşî hesabê xo yê Înstagramî ra îlan kerd û va: ‘Na komxebate de ma do edetê vatişê muzîkî yo dewlemend yê herêmanê Dêrsim û Serhedî ser o vinderê û formanê muzîkê kurdkî yê bingeyînan ser o bixebitîyê. Ma do demê deyîrbazîye de hîrê formanê muzîkê kurdkî yê bingeyînan “rîtmîk, melodîk û peyxane” bîyarê têhet.’
Gonultaşî va ke beşdarî do hem deyîranê Kirmanckî (zazakî) hem zî Kurmancîyan bimusê û do bieşkê xususîyetanê bingeyînan ê rîtmîk û vengê na cografya nas bikerê.
