Aktîvîsta TJA’î Ayla Akat Ata ard ziwan ke ê her tim hetkarê çareserîya demokratîke û neteweya demokratîke yê û wina va: “31 serrê hewldanê aştî û çareserîye est o la ê her tim wazenê xo bi şer, kuştişê bidî cuyayîş est ê. Ma vanî aştî, azadî û çareserî la ê îmha û înkarî fam kenê. Mîdyad Tirkîya ya, Tirkîya zî Mîdyad a.”
TJA, şaristanê rojnameger Cîhan Bîlgîn a ame qetilkerdiş de Mîdyad startê çalakîya 8ê Adare Roja Cinîyan a Dinya da. Cinîyan pankartê “Raperîna ma verba kiştişê cinîye de ya. Meşê ma ver bi Roje ra yo.” akerdî.
Têgêrayîşê Cinî yê Azade (TJA) startê çalakîyê 8ê Adare Roja Cinîyan a Dinya Mîdyadê Mêrdînî da. Startê çalakîyan dîyarî rojnameger Cîhan Bîlgîn a ke Rojawan de bi SÎHA’yan ê Tirkîya ameybî kiştiş kerdî. Cinîyê ke kom bîyê, pankartê “Raperîna ma verba kiştişê cinîye de ya, Meşê ma ver bi Roje ra yo.” akerdî û bê mîyan siloganê “Jin Jiyan Azadî” berz kerdî û meşîyayî. Cinîyan dima meşî beyanat dayî.
Rojawan seba heme dinya finaka çareserî yo
Wekîla DEM Partîye ya Mêrdînî Berîtan Guneş qise kerd û wina va: “Ma bi hêz û bawerîye Celera, Sara, Bêrîtan û heme cinî têkoşînê azadîye de cuya xo dest dayî ê silam kenê. Ma şexsê Ayşe Gokkan, Leyla Guven, Oznur Deger de heme hepsê azadîye silam kenê û 8ê Adare înan pîroz kenê. Ma silamê xo hepsê sîyasî rê erşawenê. Cinîyê ke bi destê mêrdeyan ameyî qetilkerdene û cinîyê bi destê merdedewlete ameyî hepskerdene rûmetê ma yê. No semed têkoşînê ma yo. No têkoşîn ewro Rojawan de cuyayêka newe awan kena. Têkoşînêko bi felsefeya Rayber Abdullah Ocalan ameyo çandin, ewro Rojawan de bîyo darêka girde. Na dara gird binê sîyê xo de heme şaran kom benê. Na raştîya Rojawan de seba heme Rojhilatê Mîyanênî û dinya çareserî ya. Jin Jiyan Azadî êdî sînorê dinya derbas kerda. Qatî ma do bi ser bikewî, cinîyan bê mîyan siloganê “Jin Jiyan Azadî” dibare kerdî.”
Rojeva ma aştî, demokrasî û azadîye ya
Aktîvîstê TJA’yî Ayla Akat Ata zî qise kerd û wina va: “Nika ra ma 8ê Adare heme cinîyan pîroz kenê, seba cinîyê ameyê hepskerdene û ameyî qetilkerdene, ma Mîdyad de kom bîyî û ma ewta de dest bi çalakîyê 8ê Adare kerd. Rojeveka me ya cîya est a. Çareserîya demokratîk, aştî est a. Ma vînenê dewleta merde, bi her hetî şer keno. No şerê dewlete bandorê xo ma zî kena. Meraq mekerê, cinî do rayîrê raşt nîşan şima bido, ez ewta de heme cinîyê Tirkîya, Rojhîlatê Mîyanên û Dinya yê seba azadîye û demokrasî têkoşîn danê, ser mîyanê TJA’î înan bi hurmetdarî silam kenê.”
