Rojnameyê Azadîya Welatî bi manşetê “Êdî Kurd bûne yek” vejîya û bale ant çalakîyanê kurdan ê ke çar hetanê Kurdîstan û dinya de cila bîyê ser o.
Rojnameyê Azadîya Welatî hûmara 4. de bale ant çalakîyanê kurdan ê ke çar hetanê Kurdîstan û dinya de vera hêrişanê Rojava ser o yenê kerdene û yewîya kurdan ser o. Rojnameyî no hewte bi manşetê “Êdî Kurd bûne yek” vejîya.
Zafane nuştoxê rojnameyî mana û muhîmîya çalakîyanê kurdan ê ke bi ruhê yewîya neteweyî yenê kerdene, vetê vernî û înan dîyar kerd ke kurdî êdî hêrişanê vera ziwan, kultur, nasname û destkewteyanê xo qebul nêkenê. Reyna rojnameyî bi roportajo ke Dr. Kamûran Berwarî reyde kerdo, ey de zî ca dayo yewîya neteweyî ya kurd.
No hewte nuştoxê rojnameyî Medenî Ferho, Şadiye Manap, Sabir Ebdulahîzad, Felemez Ulug, Prof. Dr. Abdulîllah Polat, Rifat Ronî, Zinar Ronî, Adar Gulan, Elîxan Loran, Arslan Ozdemîr, Xeyrî Welat, Lîzşêr Amed, Fatma Taşli Tunç, Alî Guler û Daxistan Payçû bi nuşte û analîzanê xo yê prosesî ser o vejîyayê vernîya wendoxanê xo.
