Fermadarîya Pêroyî ya Cendirmeyan badê 5 serran keyeyanê Abdullah Yîgît û Agît Acar ê ke serra 2021î de cuya xo ra bîbî, waştişê tazmînatî kerd. Ame zanayîş ke dewa 3ê adare de dest pê kerda û mehkema seba ke keyeyê Abdullah Yîgît û Agît Acar beşdarê roniştişê dewa nêbê, bi tehdîtê tewqîfkerdişî keyeyanê înan tehdît kerd.
7ê êlula 2021î de, herêma Kato Marînos a ke qezaya Elkê ya girêdayeyê Şirnexî hêrişêko hewayî yê leşkerî Tirkîya virazîyabi, netîceyê hêrişî de endamanê HPG’yî ra Abdullah Yigit (Eriş Andok) û Agit Acar (Azad Gewda) cuya xo ra bîbî. Badê 3 serran, 2024î de Fermandarîya Pêroyî yê Cendirmeyan, bi manaya “zîyano umûmîya ke seba dayene tazmînato neqdî yê personelan” keyeyanê Yîgît û Acarî rê dewa akeno û wazeno ke na keye 44 hezar û 743 lîrayan bido.
Keyeyê Acarî ra 16 kesan rê dewa ameya akerdene
Vera na bê hiqûqêye keyeyan îtîraz kerd, la îtîrazê înan amayê redkerdene. Ame zanayîş ke roniştişê ewilî yê dewa tezmînatî, 3ê adara 2026î de Dadgeha Hiqûqê yê Aslîyeyê ya Wanê de ameya viraştiş û keyeyê beşdarê roniştişî nêbîyî. Na ser dadgehe, roniştişî taloqê 24ê nîsane kerd, keyeyan rê teblîxat ameyê erşawitiş û pê teblîxatî de her di keyeyê “Heke şima nêrê roniştişê 24ê nîsane, şima do bêrê tewqîfkerdene” ameyê tehdîtkerdene. Sewbîna, 5 hezar û 901 lîra faîzî ameyo pereyêko yeno waştişî ser o û teblîxatî de qala nê faîzî zî ameyo kerdene.
Ame teblîxkerdene ke tena keyeyê Acarî ra 16 kesan rê dosya ameya akerdiş û çarçewaya dewa de, qerarê dest ser dayişî çî-mî û mal û milkê endamanê keyeyê Agît Acarî ser o ameyo dayene. Seba keyeyê Yîgîtî zî eynî qerar ameyo dayene.
Dayîka Meryem Acar cuya xo ra bîye
Cenazeyê her di endamanê HPGê serra 2021î de Goristanê Bêkesan ê Wanî de ameyê nimitene û keyeyan bade testê DNAye cenazeyanê xo girewtibî. Dewa tezmînatî û tehdîtkerdenê tewqîfkerdişî verdewamîya polîtîkayanê teda yê keyeyan ser o yê. Keye badê 5 serran “zilmê îcrayî” reyde rî bi rî mend. Ame zanayene ke ney ra çend rojî ver, maya Abdullah Yîgît, Meryem Yîgît ke no 5 serrî yo nêweş bîye û aye rê zî dewa ameye akerdene, cuya xo ra bîye.
