Bafil Talabanî dîyar kerd ke ê piştî danê pêkerdişo mabênê HSD û Hukmatê Sûrîye yê Demkî û ard ziwan ke ê heme gaman ke seba pawitişê heqanê şarê Vakûr û Rojhelatê Sûriye yenê eştene, bihêvî yê.
Vizêr mabênê Fermandarê Pêroyî yê Hêzanê Sûrîya Demokratîk (HSD) Mazlûm Ebdî û Serekê Hukmatê Demkî yê Sûrîye Ehmed Şara de pêkerdişêk ame îmzakerdene. Serekê Yewîya Niştîman yê Kurdîstanî (YNK) Bafil Talabanî bi mesajêk piştîya xo seba Fermandarê HSD’yî Mazlûm Ebdî mojna.
Mesajê Talabanî wina yo: “Ez pêkerdişê mabênî birêz Mazlûm Ebdî û birêz Ehöed Şara bi germî pêşwazî kena. Seba xurtkedişê cuyêka hempar û xebatêka hempar gamêka muhîm û pozîtîf a. No prensîbêko rast o ke do aramîya sîyasî û ewleyî xo reyde bîyaro û ma sere ra naye waştêne û seba naye xebitîyayêne. Ma hêvîdar ê ke na gama ke heme heqanê şarê ma yê Rojawanî û heme komelan pawena, seba awakerdişê welatêko demokratîk û dostê şaran ke destûrê îna o bingeyîn xebat û hemkarîye ya, biba destpêkêk. Sey her wextî ez piştî dana xebatanê birayê xo Mazlûm Ebdî yê seba aştî û aramîya herême.”
