Hemserekê DEM Partî Tuncer Bakirhan, persê derheqê têkilîya muhtemel a newe ya Serekê PKK’yî Abdullah Ocalanî de va “Hema zelal nîyo.”
Hemserekê DEM Partî Tuncer Bakirhan, badê kombîyayîşê grûba partîya xo cewabê persanê rojnamegeran da.
Bakirhan derheqê vengdayîşî deke pawîyeno Serekê PKK’yî Abdullah Ocalanî ra bêro kerdene, va “Şeno 15ê sibate yan zî badê ey bibo” û persê “Zîyaretê Îmralî do bibo?” cewab da û va “Hema zelal nîyo. Ma paweyê vengdayîşî yê.”
Bakirhan cewabê persa “Do vengdayîşê ronayîşê çekan bibo?” wina da: “Ez muhtewa nêzana. Ma nêzanê çi tede est o, ez goreyê melumatanê ke ma heyetan ra gênê qisey kena. Îhtemal est o ke nê vengdayîşî de çîyê sey naye bibê. Demêko zaf kilm de hazirîyêk est o, xebatêk est a. Şeno 15ê sibate yan zî badê ey bibo. Hema derheqê naye de zelal nîyo, ma paweyê vengdayîşî yê.”
