Baroya Amedî seba vindertişê hêrişê Dewleta Tirk û komê ya yê paramîlîterî yê ser Rojawanî veng da NY’î û waşt NY berpirsîyarîya xo, bi ca bîyaro
Baroya Amedî heqê hêrişê Dewleta Tirk û komê ya yê paramîlîterî yê ser Bakûr û Rojhilatê Surîyeye beyanatêk da. Beyanat, bi sernameyê “Wa hêrişê ser sivîlê Rojawanî û cugehan bêrê bipeynîkerdiş” ame weşînaye. Beyanat de ame vatiş ke bi rijyayişê rejîmê BAAS’î seba şarê Surîyeye serdemêko newe dest pê keno.
Beyanat de ame vatiş ke seba şarê rejîmî verê înan dabî mîyanê demokrasî û aştîye de biciwê, hewceyo qewetê herêmî û sazîyê mîyanêneteweyî bingeyêka pêwîst awa bikê û bi domdar ame vatiş ke bi vengîya estî rê ser cugehê sivîlan, nêweşxane, warê cemawerîye hêriş destpê kerdê û nê hêrişan de zafêr doman û cinîyan cuya xo dest dayê, bi hezaran kes bi darê zorî warê xo ameyê kerdiş, zafêr birîndar ameyê înfazkerdiş.
Beyanat wina domya: “Nika gefê hêrişêkê girde ser Rojawanî esto, wa hêrişê pêroyî bêrê vindertiş, muzekarayan ê bi Kurdan ra ke verê aktorê tewr xurt ê Surîyeye yê, bêrê akerdiş. Qerarê ewro yenê dayîş, bingeya rayîrê çareserîye awan bikero û bibo bingeya aştîyêka mayînde. Ma sey Baroya Amedî, ma veng Neteweyê Yewbîyane, Tirkîya û sazîyê bîn ê mîyanêneteweyî kenê ke çarçiweya huquqê mîyannêteweyî de bi erk û berpirsîyarê bi ca bîyarê, heqê cuye yê sivîlan mîsoger bikê û seba aştîyêka mayînde gamê şênberî bierzê.”
