Baroyê Vakurê Kurdistanî semedê hêrişanê verva çalakîyanê seba Rojava yenê kerdene eşkerayîyêk weşanaya û dîyar kerd ke heqê çalakîyî heqêko qanûnî û rewa yo. Baroyan waşt kesê ke ameyê destbendkerdene bilez serbest bêrê veradayene.
Baroyê Vakûrê Kurdistani derheqê hêrişanê verva çalakîyane ke bi amancê paştîdayena Rayberîya Xosere ê Vakurê Rojhelatê Sûrîye virazênê eşkerayîyêk hempare ê nuştekî daye çapamenî. Eşkerayî de wina vat: “Şaro ke seba reaksîyonê xo yê verva hêrişanê Rojava mojnenê rastê teda û destbendkerdene ameyê. Heqê çalakîyî ke binê ewleyî qanûnobingeyîn û peymananê mîyanneteweyî de yê bi qerarê kêfî û fîilî ameyê asteng kerdene.
Eşkerayî de ard vîr ke badê Êlih û Amedî, Wan û xeylê cayan de bînan çalakîyî demokratîkî ameyê astengkerdene û vat: “Netîceyê bikarardişê şidetî de xeylê kesî ameyê destbendkerdene. Mabênê înan de Hemşaredarê Wanî Abdullah Zeydan Serekê Baroyê Wanî Avukat Sînan Ozkîraz zî est o. No mojneno ke destbendkerdene verva tewrbîyayîşê demokratîk û pawitişî yo. Eşkerayî de ame waştene ke kesê ke ameyê destbendkerdene bilez berê veradayîş û heqê qanûnî yê çalakîyan rê rêz bêro girewtene.
