Verfeka DEM Partî Ayşegul Dogan dîyar kerd ke beno ke PKK beyanat bido û bivajo ke ê kongreya xo kom kerdî. Ayşegul Dogan verba Sirri Sureyya Onderî îdiayê suîkastî ser o zî va ke qerarê partî ser o no suikast nêame parekerdiş.
Verfeka DEM Partî Ayşegul Dogan banê Merkezî yê DEM Partîye de kombîyayîşê çapemenîye viraşt. Verê qiseyê xo Verfeka DEM Partî Ayşegul Dogan Endamê Heyetê Îmraliyî Sirri Sureyya Onder yad kerd û wina va: “Cilê nêweşxaneyî de zî ma rê va; aştî mumkun a. Verba Sirri Sureyya Onderî, 2ê Nîsane de ame waştiş ke suîkastêk bêro kerdiş. Birêz Sirri Sureyya Onder lezûbez partîya ma û rayedaran ra agahî da. Sirri Sureyya Onder nêwaşt na mesele bêra îstîsmarkerdiş, no ser qerarê winayin ma girewt û raya pêroyî reyde pare nêkerd.”
Beno ke qerarê çekveradayîşî îlan bibo
Ayşegul Dogan bal ant ser qerarê çekveradayîşî yê PKK’î ser o û wina domna: “Beno ke PKK qerarê xo yê çekveradayîşî îlan biko. Na gamêka tarîxî ya. No ser ma zî bi cidî benda ci yê. Esil mesele na game ra pey eştişê gamê bînî zaf bi avzel ê.”
