Çarçeweya tehqîqatê vera Ajansê Xeberan ê ANKA de Berpirsîyarê Weşanê Pêroyî Kenan Şener ame destbendkerdene.
Berpirsîyarê Weşanê Pêroyî yê Ajansê Xeberan ê ANKA Kenan Şener çarçeweya tehqîqatê Serdozgerîya Komare ya Adana yê derheqê dîmenanê Bargehê Hewayî yê Încîrlîkî de ame destbendkerdene.
Şener o ke badê qerarê destbendkerdişî şi Mudirîya Polîsan a Anqara tîya ame destbendkerdene. Şener kontrolê weşîye ra ame vîyartene. Goreyê zanayîşanê ke ameyî girewtene Şener do Adana rê bêro berdene.
