Paytextê Îraqî Bexdad de bazirgan û dikandaran verva zêdekerdişê bacê gumrike, dikan û kargehê xo girewtî û dest bi çalakîyanê îtîrazî kerd.
Bexdad de dikandar û bazirganan verva vayîya newî yê bacê gumrike dest bi çalakîyan kerd. Dikandaran dikanê xo anêkerdî û bazar girewte mend. Odeyê Bazirgananê Îraqî bi eşkerayîyêke vengdayîşê pêroyî bazirgan û wayîrê karî kerd ke tewrê grevê pêroyî bibê û bazaran girewte verdê.
Goreyê çalakîkeran ra vayîya baci yê newe bîyo sebebê sistbîyayîşê girewtene û rotene eşya û no semed ra zî zerarêko gird serê bazaran de viraşto. Aktîvîstan dîyar kerd ke heta rayedarê ke eleqedarê babete de cewabê înan bidê û çareserî bivînê ey do çalakîyanê xo dewam bikerê.
Mehkemeya Berze yê Federal ê Îraqî derheqê gerreyê verva zêdekerdişê bacê neweyî yê gumrike qerar da ke rayedarî serê vayîya bacî kom bibê û newe ra qerar bidê.
