Fîrmayêk boya wesayîtan viraşt û ser boye zî resmê dardekerdişî yê Şêx Seîdî şuxilna. Baroya Amedî zî nêrazîbîyayişê xo verba nê nêzdîbîyayişê fîrmayî nîşan da û Baroya Amedî waşt ke wa nê boyê bêrê qedexekerdiş
Goreyê xebara Rojnameya Yenîgunî fîrmayêk boya wesayîtan a ke ser a de resmê dardekerdişî yê Şêx Seîdî esto, viraşt. Baroya Amedî na babete ser beyanetêk da û dîyar kerd ke bi na boye xatir û şexsê Şêx Seîdî ra heqeret yeno kerdiş û ê zî heqê fîrmayî de dewa akerdê.
Beyanatê Baroya Amedî wina ame vatiş: “Ma heqê nê şexsî ke bi viraştişê na boye xatir û şexsê Şêx Seîdî heqeret kerdo rê dewa akerd, ganî nê boyê bêrê qedexekerdiş û peynî zî bêrê komkerdiş.”
Peynîya akerdişê dewaye, Ser Platformê Xî şexêkî na boye viraşto, twîtêk eşt û vat ke: “Baroya Amedî ke heqê mi de dewa akerda, ez înan ra di nê boye ra erşewena, wa pereyê kargoyî bidê.”
