Goreyê efsenayan Îran de enstrumanê muzîkî yê telî (santura) seba ke sey vengê cinîye vejîyeyo, no ser ameyo qedexe kerdine, 3 hezar û 500 serrê verê santura îcad bîya. Îzmîr de viraştoxê enstrumanê muzîkî yê bi telî Ozan Ozdemîr, bi destê xo santura rê cuye dano.
Goreyê efsenayan Îran de enstrumanê muzîkî yê telî (santura) seba ke sey vengê cinîye vejîyeyo, no ser ameyo qedexe kerdine, 3 hezar û 500 serrê verê santura îcad bîya. Hunermend Ozan Ozdemîr 2007î ra nika enstrumanê muzîkî yê bi tellî virazeno. Ozdemîr serra 2002î de Cadeya Îstaklalî ya Îstanbulî de dîyo ke hunermendê kûçeyî santura ra daynî piro. Dima zî santura ra elaqa nîşan daya û serra 2004î de santuraya xo yewine viraşto û peynî zî kûçe de destpê pirodayîşê santura kerdo.
Santura xo ya yewine Îran ra peyde kerdo
Santuraya xo ya yewine Îran ra peyda kerdo Ozdemîr, 2007î de zî santuraya xo yewine bi xo viraşto û Ozdemîr no dem Zanîngehê Ege de zî perwerde gêno.
Babete ser o Ozan Ozdemîr va ke Tirkîya de pêroyî îranij santura ra danî piro û wina va: “Santurayê ke Îran ra yenê, şenik ê. No ser zî mi waşt, santuraya ke gird bivirazo. Çimkî goreyê muzîkî ma ganî hûmara vengî zêde bibînî. Tirkîya de santura demê Osmanîyan de ameya viraştene la peynî zî viraştişê ci elaqa nêdîyo, no ser zî êdî Îran ra ma rê santura ameyo. Îstanbul de Gruba Sîyabendî santura rê daynî piro, santurayê ewta de merdim eşkeno muzîkî tewir bi tewir bivirazo. Îran de bi santurayan tena muzîkî bi xemgînî yenê kerdene la ê ma de repertuar hîna bi hera yo. Her ke şono santura rê elaqa zêdîyeno.”
