Dayîkê Aştî û rayberê sazîyan bi pêşengîya MEBYA-DER’î de bi girseyî tezîyeya Firat Bayrak ke endamê HPG’yî bi û cuya xo vîndî kerdbî, zîyaret kerd.
Merkezê Resnayîş û Çapemenî yê Hêzanê Pawitişê Şarî (HPG) vizêr eşkera kerdbi ke endamê înan Firat Bayrak (Argeş Cûdî) 29ê nîsana 2019î de Garêya Başûrê Kurdîstanî ded şer de cuya xo vîndî kerda. Eşkerakerdişî ra pey keyeyê ey dewa Salatunî ya qezaya Silopyaya Şirnexî de tezîye ronaye. Bi pêşengîya Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) a Botanî, Dayîkê Aştî, rêxistinê Partîya Herêmanê Demokratîk (DBP) û Partîya Têduştî û Demokrasîyî ya Şaran (DEM Partî) ê Şirnex û qezayê ci, parlamenterê DEM Partî yê Şirnexî Newroz Uysal Aslan û Mehmet Zekî Îrmez bi girseyî tezîye zîyaret kerd.
Girse dewe de kom bi û bi vatişê sloganî “Şehîd Namirin” vîyartê keyeyî tezîye. Girse hetê keyeyî ra ame pêşwazîkerdene. Destpêkê seba cangorîyanê têkoşînê azadîye û demokrasîyî deqîqeyêk rêze ameye girewtene.
Rêzgirewtişî ra pey parlamnetera DEM Partî Newrox Uysal Aslan qisey kerd û dîyar kerd ke cehdê şarê kurdî seba azadîya şarî canê xo dayo û wina vat: “Înan canê xo da û şarê ma zî wayîrê têkoşînê înan vejîyeno. Bi saya înan ewro no proses dest pêkerd. Wayîrvejîyayîşê prosesî wayîrvejîyayîşê têkoşînê înan o.”
Keyeyê zî xêrameyîşê girse kerd û zîyaret bi wendişê duayan qedîya.
