DÎB, beyanatê xo de da zanayiş ke Hukmatê AKP’î, Sûrîye de qirkerdişê elewîyan rê bêveng maneno û beyanat de wina ame vatiş: “Wazenê elewîyan bi sûcdarkerdişê elewîyîya sîyasîye bêveng bikê.”
Koordînasyonê Yewî yê Bo Demokrasîye (DÎB) Sûrîye de averşîyayişê peynî ser o bi nameyê “Maxdûrîyetê fîlistinijan û kurdan rê çi heyfo ke elewîye zî beşdar bîyê, ma Rojhîlato Mîyanênî de Aştî û Edelet wazenê” beyanatek da.
Beyanat de ame vatiş ke ê do bi nameyê “Herême de Aştî û Edaletî” konferansêk bivirazê, bi no konferansî Sûrîye de problemê elewîye ra çareserî bigêrê.
Beyanat wina yo: “Tirkîya de seba ke nûfûsê elewî û kurd zaf ê, no ser binê verpirsîyarî de yo. Sûrîye de rîyê Tirkîya ser o Îsraîl bî wayîrê qewetî, no ser zî filistinijan binê zilmî de yê. Ganî Hukmatê AKP’î seba demokratîkbîyayişê Sûrîye ser o bixebityaynî la belê AKP na verpirsîyarîye ra remeno. Ma rê vanê şima elewîyîya sîyasî kenê, ma bi na îdiaye wazenê bêveng bikê. AKP teber de bedilyayişê Sûrîye sey osmanijî, zere de zî sey îslamkerî şuxulneno. Çi heyfo her ke şono ser elewî, kurd û filistinijan de teda û zilm zêdîyeno.
Tarîh nîşan da ke şer û dirîye tercîhê şaş ê, aştî û huquq zî çareserîya dejanê ma yê. Ma do bi konferansê Aştî û Edeletî, herême de heme problemanê xo ra do çareserîye bivînê.”
