Tumeno 76. ke hêrişanê vera Rojava de ca gêno, Qereqozaxî de vîdeoyêk ant û bi vatişê, “Ma dîyarê MÎT û dinyaya tirk kenê” îmzaya dewleta tirkan eşte binê hêrişan.
Hêrişê çeteyanê HTŞ û SMO’yî ke hetê Tirkîya ra yenê rayraberdene Rojavayê Kurdîstanî ser o dewam kenê. Nê grûban ra yew zî Tumenê 76. o. Na grûba çete Qereqozaxî de vîdeoyêk pare kerd. Serkêşê na grûbe Seyf Polat Ebubekîr ke cayo verên ê Turbeya Suleyman Şahî de vîdeo ant, vano: “Ez nê vîdeoyê dîyarê Musteşarê MÎT’î Îbrahîm Kalin û grûba ey a qedirberzî rê kena. Ma dîyarê heme dinyaya tirk kenê.” Bi nê vîdeoyî îmzaya MÎT’ê tirkî ya binê hêrişanê vera şarê kurdî hîna baş vejîyaya orte.
