Temsîlkarê Ewleyîya Neteweyî yê Hukmatê Trumpî yê verî John Boltonî dîyar kerd ke Serekwezîrê Îsraîlî Benjamîn Netanyahu pêvînayîşê Trumpî de waştişê xo girewtê. Boltonî dîyar kerd ke rijnayîşe rejîmê Îranî seba ewleyîya herême zaf muhîm o û wext wextê rijnayîşê rejîmî yo.
Temsîlkarê Ewleyîya Neteweyî yê Hukmatê Trumpî yê verê John Boltonî meqeleyêk Îndependent Erebîya ra nuşte û tede de averşîyayîşê Rojhelato Mîyanên erjnayê. Boltonî dîyar kerd ke seba kesê ke aştî û ewleyîya herême ya mende ra gêrenê, perso bingeyîn o yo ke mîyanê hûmaranê problemanê jeostratejîkan de merdim vernîyîye de rastîye dîyar bikero. Boltonî îfade kerd ke bêçekkerdişê Hamasî seba Îsraîlî zaf muhîm o la ey ra zêdeyî tehdîdî Îran ra yenê.
‘Tehdîdo pîl rejîmê Îranî yo’
Boltanî meqaleya xo de bale ante serê nê babetan: “Dewamê aştî û ewleyî yê Rojhelatê mîyanênî bi wedarnayîşê tehdîdanê ke hetê Tehranî ra yenê viraştene ra girêdaye yê. Hem seba cîrananê ey yê herême û hem zî seba pêroyî yê dinya. Ganî Îsraîl bi taybetî na rastî ra hayîdar bo û destûr nêdo ke meseleya Xeza bikewo vernî tehdîdanê ke Îran ra yenê. Nika babeta rehîneyan heta dereceyê ke çareser bîya nê çîyî tedayê serê Netanyahu yî kemî kenê.”
‘Netanyahû eşkeno balê xo bido tehdîdanê stratejîkan’
Girêdayê babete Boltonî dîyar kerd ke hendî ganî Netenyahu bale xo bido tehdîdanê stratejîkan û vat: “Tehdîdo stratejîk zî bi taybetî Îran o. Seba nê çîyî zî lazîmî bi hetkarîya DYA’yî est a. Netenyahû waşt ke garantî bikero ke Trump zî balê xo bido serê Îranî. Heta nika Netenyahû nê wareyî de serkewte yo û di pevînayîşê peyînî de zî destekêko muhîm girewt. La seba ke bieşko hemleyê vera Îranî bikero lazimatî Îsraîlî bi hetkarî û qenêbo bi erekerdîşê dewletanê ereben estbi. Peymananê îbrahîmî nê wareyî de îstîfadeyo ke pîl dano.
‘Peygoşkerdişê Îranî xo xapênayîş o’
Boltonî va ke piştgirîya Tehranî seba Hamas, Hizbullah û grubê bînê yê wekîl devam kene û Eynî wextî de vejîyayîşê programanê ey yê nuklerî û fuzeyanê balîstîkî zî zaf zêde bene. Bolton nê madeyî ardî ziwan: “Nê tehdîdî bêşik seba Îsraîlî tahlûkeyê estbîyayîşî virazenê. Peygoşkerdiş an zî kemîkerdişê muhîmîyê cidîyetê ganîbîyayîşê Îranî do sey xoxapênayîş bo. Seba averşîyayîşê ke yê mîyanê Îranî, dîyarkedîşê vernîyîyê stratejîkî çiqas şinê muhîm benê. Rewşa ekonomî ge ge xiraptir bena û nê zî benê sebebê îtîrazanê hîrayan yê şarî.”
‘Wextê rijnayîşê rejîmê Îranî yo’
Boltonî vîrî vist ke krîza ekonomî yê Îranî serewedaritişan geş keno û bale antê serê nê çîyan: Xeylê çîyî estê benê sebebê nê serewedaritişan. Eke ma ecizîya ciwan, cinî, kurd û ereben tayêna zêde bikerê do o wext rewşe baştir bêro vînayîş. Nika wextê zêdekerdişê tedayê teberi yo ke serê rijnayîşê rejîmî û çinkerdişê ey de yo. seba vernî girewtişê talûkeyanê Rojhelatê mîyanênî no çîyo muhîm o. Ewro ganî heme bale Îranî ser o bo.”
