Ewro 8 rojî yo şerê Amerîka-îsraîlî yê vera Îranî dewam keno. Şero germ û şero taybet yê psîkolojîk mabênê her di hetan de dewam keno.
Artêşa Îsraîlî eşkera kerd ke zêdeyê 80 teyaranê şerî pêlêke newe yê hêrişan vera hedefanê leşkerî paytextê Îranî Tehran û cayê merkezî yê welatî viraştê. Eşkerayî de ame vatene ke teyarayanê şerî yê Hêzanê Hewayî yê Îsraîlî sey beşêke operasyonan vera Îranî, hêrişî berdê serê tesîsanê leşkerî.
Eşkerayî de ame dîyarkerdene ke hêriş vera binawanîya leşkerî yê Îranî, Fuzeyê balîstîkî, depoyê fuzeyan û binawanîya fermandarîye yê binê erdî de viraştê. Artêşa Îsraîlî eşkera kerd ke amencê operasyonan zeîfkerdişê Îranî yê hêrişkerdişî yo.
Îsraîl: Ma 6500 bomba Îranî ser o varnayê
Nê mabenî de şewa binê dewleta Îsraîlî hêrişê hewayî de xeylê cayê paytext Tehranî hedef girewtî. Destpêkê pêkewtişan ra semedê hêrişê fuzeyan û hewayî yê her di hetan kaosê herême do hîna zêdetir giran bibo. Goreyê agahîyan artêşa Îsraîlî destpêkê şerî ra zêdeyê 6500 bombayî eştê serê Îranî..
Îran: Ma Neqebê Hurmuzî de paweyê ameyîşê Amerîkayî yê
Verfekê hêzanê leşkerî yê rejîmê Îranî Elî Mihemed Nainî, Washîngton hişyar kerd û vat: “Ma Nêqebê Hurmuzî de hêvîyê ameyîşê hêzanê dengizî yê Amerîkayî yê. Wezîrê Enerjî yê Amerîkanî nêmeyê şewa bîne de eşkera kerd ke hêzê dengizî yê Amerîkanî hedreyî kenê ke keştîyê Neqebê Hurmuzî ra derbas benê eskortîye bikero.”
Goreyê ajansê xeberan ê Farsî ra, Naîlî bale anceno serê wexto viyarteyî û wazeno verê cû Amerîka cesaretê ameyîşî bikero, veşayîşê supertankera Amerîkanî Bridgeton yê serra 1987î û tankerê petrolî yê ke wexto peyîn de amebî hedefgirewtene biewnîyo tira.
