Raybera DEM Partî ya Hewagî Burçîn Satici ke çalakîya qeyûmî ya Xelfetî de ameybî girewtene, roniştişo ewilin de veradîyaye.
Raybera DEM Partî ya qezaya Hewag a Rihayî Burçîn satici 5-6 teşrîna peyêne ya 2024î de xoverdayîşê vera tayînkerdişê qeyûmî de ameye destbendkerdene û tepişîyaye. Roniştişo ewilin yê Burçîn Satici Mehkemaya Cezayanê Giran ya Rihayî ya 2. de ameye kerdene. Burçîn Satici û endamê OHD’yî roniştişî de amade bîyê.
Roniştiş bi tespîtkerdişê nasnameyan dest pê kerd. Burçîn Satici pawitişê xo de vat ke çalakîya vera tayînkerdişê qeyûmî sûc nîya û veradayîşê xo waşt. Avûkar Ahmet Atiş zî vat ke îdianameyêka sîyasî ameya amadekerdene û veradayîşê muwekîla xo waşt.
Dozger zî mutalaaya xo eşkera kerd û waşt kenrewşa tepiştişê aye dewam bikera.
Heyetê Mehkema qerarê veradayîşî da û roniştişê dewa taloqî 18ê îlone kerd.
