Çalakîkera heqê merdiman a Îranî Mînoo Rouzeddar Tahran de ameye destbendkerdiş. Yeno vatiş ke hêzanê Îranî eşt keyeyê Mînoo ser o û demê destbendkerdişî de aye rê îşkence kerda.
Goreyê çimeyê herême, çalakîkera komela sivîlî ya Tehranî Mînoo Rouzeddar sereştişê keyeyî yê hêzanê asayîşî yê Îranî de ameye destbendkerdiş. Yeno vatiş ke Mînoo Rouzeddar wextê destbendkerdişî de rastê şîdetê fîzîkî ameya.
Mînoo Rouzeddar verê zî 1ê sibata 2025î de Tehran de ameybî tgirewtiş. O wext, aye berda Beşê 1-A yê Ajansê Îstîxbaratî yê Pasdarê Şorişî û dima ra zî aye berda baskê cinîyan ê Hepisxaneyê Evîn. 5ê adara 2025î de bi kefalet serbest ameye veradayîş.
Mehkemaya Şorişê nîsana 2025î de cezaya 14 aşmî hepisxane û 30 mîlyon tumenî da Mînoo Rouzeddar. Ceza semedê hîrê serran ameye taloqkerdiş.
