Çapemenîya dinya de hêrsdarîya mabênê DYA, Îsraîl û Îranî rojeva esasî ya. Her çiqas ke muzakereyê dîplomatîkî dewam kenê zî, heme hetî pozîsyonê xo yê leşkerî pêt kenê.
Reutersî resna ke Washîngton hemverê bênetîcemendişê muzakereyan de planê leşkerî keno û sewîyeya hişyarîye ya qerargehanê herême berz bîya.
Wall Street Journalî nuşt ke Qesra Sipîye alternatîfê “hêrişê hewayî yê sinordarî” yê hemverê tesîsanê nukleêrîyan ê Îranî munaqeşa kena.
Guardianî eşkerayîya Trumpî ard vîrê: “Ez nêverdana ke programê nukleêrî yê Îranî bibo çekêka atomî la dîplomasî hema zî rayîro verên o.”
Associated Pressî dîyar kerd ke artêşa DYA cagirewtişê hêzanê xo yê Rojhelatê Mîyanênî newe ra nirxneno û sewîyeya alarmî ya Kendawa Basrayî zêde bîya.
Washington Postî nuşt ke 150 ra zafêr teyarayê şerî herême de ameye bicakerdene.
Financial Timesî de ame vatene ke kordînasyonê leşkerî yê DYA-Îsraîlî zêde bîyo û Îsraîl programê nukleêrî yê Îranî sey talûkeyêko rasterast vîneno.
Hetê Îranî ra kanalê dîplomasî akerde yê la betalkerdişê programê nukleêrî qebul nêkenê.
