Cenazaya rojnameger Osman Kiliç ke Holanda de cuya xo ra bî, teyaragehê Amedî de hetê keye û embazanê ey yê rojnamegeran ra ame pêşwazîkerdene.
Dîrektorê Ajansê Xeberan ê Firatî (ANF) Osman Kiliç ke serranê 1990î ra mîyanê karanê Çapemenîya azade de ca girewtêne, 12ê adare de şaristanê Tiel ê Holanda de cuya xo ra bî. Cenazaya Osman Kiliç ewro ardê Teyaragehê Amedî. Endam û rayberê Komeleya Rojnamegeran ê Dîcle Firatî (DGF), ferdê keyeyê ey, parlamenterê DEM Partî yê amedî Serhat Eren û endamê û rayberê partîyanê sîyasî û sazgehanê sivîlî yê komelî cenazaya Osman Kiliç pêşwazî kerde. Flamaya kesk û sûr û zerd ronabî serê tabûtê Osman Kiliç. Cenaza ke bi sloganê “Şehîdî nêmirenê” ame girewtene û ver bi qezaya Misirce yê Sêrte ra ame oxirkerdene.
Cenazaya Kiliç do dewa Zoqeyde yê qezaya Sêrte de bêro definkerdene.
Osman Kiliç ke serra 1968 de qezaya Misirce yê Sêrte de maya xo ra bîyo, serranê 1990î ra mîyanê xebatanê Çapemenîya Azade de yo. Osman Kiliç ciwanîya xo de neçar mend ke koçê Holanda bikero, serranê 90î ra warê çapemenîya azade de sey Med Tv, Medya Tv, Çira Tv, ANF, de xebitîya. Osman Kiliç ke semedê nêweşîya qanserî yê cîgerê zêdeyêrê di serrî yo ameyene dermankerdene, 12ê adare de klînîkêke şaristanê Tiel yê Holanda de cuya xo ra bî.
