Grûbê çete yê ke girêdayeyê hêzanê hukmatê demkî yê Sûrîye yê, hêrişê nêweşxaneyê taxa Eşrefîye kerd.
Rojanê peyênan de hêrişê grûbanê çete Emşat, Hemzat, Sultan Murad û Nûredîn Zengî yê ke hetê artêşê tirkan ra ameyê perwerdekerdene û mîyanê artêşê hukmatê demkî yê Sûrîye de ca gênê hêrişê taxanê Eşrefîye û Şêxmeqsûd yê Helebî kenê.
Vizêrî ra hêrişê bi çekanê giran û dronan dewam kenê. Goreyê xebera ANHA’yî grûbê hêrişkar nê serê sibayî Nêweşxaneyê Osman ê taxa Eşrefîye kerd û nêweşxane xizmetî rê ameyo girewtene.
Eynê wextî de grûbê çeteyî bi hewayêko sîstematîk bineawanîyanê taxanê Şêxmeqsûd, Eşrefîye û Benî Zêd bombaran kenê. Bombaran û hêrişê biserûber ê vera taxan dewam kenê.
