Hêzanê Asayîşê Zereyî yê Rojawanê Kurdîstanî îtîrafê çeteyanê DAIŞ’î weşanayî. Çeteyan va ke înan ferman dewleta tirke ra girewto.
Hêzanê Asayîşê Zereyî yê Rojawanê Kurdîstanî îtîrafê çeteyanê DAIŞ’î weşanayî. Di çeteyî Reqa de ameybî tepiştene. Çeteyan va ke înan ferman dewleta tirke ra girewto.
Dîmenan de çeteyî Murhef Kamil Sefok û Beyan Ebdulcewad Sefok qalê plananê hêrişî, rêxistinîye û têkilîyanê xo kenê. Nê çeteyan hêrişê herêma Kîsratî kerdibi ke tîya de hîrê şerwanî şehîd bibî.
Murhefî îtîraf kerd ke çeteyanê DAIŞ’î keyeyê înan de xo nimitêne û amadekarîya hêrişan kerdêne. Çeteyan îtîraf kerd ke Newroza 2025î de înan amadekarîya hêrişî kerdêne la hêrişî ra di rojî verî ê ameyê tepiştene. Murhef Sefokî îtîraf kerd ke ey Tirkîya de camîyêk de DAIŞ şinasnayo û 2024 de seba erkanê xo bîyaro ca ameyo Sûrîye.
Cinîye û camêrdî seba nê ‘erkan’ pere girewto.
