Çewlig de seba pîrozkerdişê 8ê Adare Roja Cinîyan ê Dinya pêşengîya TJA’yî de cinîyan rayîrşîyayîş viraşt û eşkerayîya çapemenî ameye dayene.
Cinîyan bi pêşengîya Têgêrayîşa Cinîyanê Azad (TJA) de vernîya Camîî yê Hecî Xidir kom bîyê, pankartê “Biciwîyo 8ê Adare” akerd û bi sloganê “Cinî, Cuye, Azadî” û “Biciwîyo xoverdayîşê cinîyan” ver bi Meydanê Şaristanî rayîrşîyayîş viraşt û badê rayîrşîyayîşî eşkerayî ameye dayene. Metnê bi tirkî Bera Duran û yê bi Kirmackî/Kirdkî zî Pervîn Avîze wend.
Eşkerayî de ame vatene ke vurnayîşê komelî bi têkoşînê cinîyan virazêno. Rojava de bi pêşengîya cinîyan û şorişê cinî mojna heme dinya. Têkoşînê rêxistinkerdeyî reyde cinî eşkena dinya bivurnê.
