Mehkemaya Amedî bi îdiaya “propagandaya rêxistine” serrêk û 3 aşmî cezaya hepsî dabî rojnameger Mehmet Alî Ertaşî. Mehkemaya Îstînafî na ceza bêhiqûq dîye û qerarê beraetî da.
Mehkemaya Cezayan yê Girane yê Amedî yê 9. 10ê teşrîna verêne ya 2024î de bi îdiaya “propagandaya rêxistinê” serrêk û 3 aşmî cezaya hepsî dabî Midûrê Karanê Nuşteyî yê Rojnameyê Xwebûne Mehmet Alî Ertaşî. Na cezaya hepsî hetê Daîreya Cezayan a Mehkemaya Herêma Amedî (Mahkemeyê Îstinafî) ra ameye betalkerdene. Mehkemaya Îstînafî pare kerd ke Ertaşî serê medyaya dîjîtale de sey “Asta teşwiqkerdena rêxistine û pesnê rêxistine ser asaye nêbîye” û suc nêvirazîyo, aye ra Mahkemeya Îstînafî na ceza bêhiqûq diye û qerarê beraetî da.
