Mehkemaya Berze cezaya 19 serrî û 6 aşmî zîndanî ya Verfeka verêne ya TJA’yî Ayşe Gokkana ke bi îdîaya 2 rey “endamtîya rêxistine” dabî, betal kerd.
Mehkemaya Berze qerarê ke semedê Verfeka Têgêrayîşê Cinîyanê Azadan (TJA) ya verêne Ayşe Gokkan ke 2 rey bi îdîaya “endamtîya rêxistine” reyêk 12 serrî û ê bîn zî 7 serrî û 6 aşmî cezaya zîndanî ci rê amebî birnayene, betal kerd. Mehkemaa Berze qerarê Mehkemaya Cezaya Giran a 9. ya Amedî ke bi pêroyî 30 serrî cezaya zîndanî dabî, bi qismî betal kerd.
Mehkemaya Berze serê muracatê îtîrazî yê avûkatanê Ayşe Gokkan cigêrayîş kerd û badê cigêrayîşî qerarê xo da.
Qerarê dewamkerdişê tepiştişî
Mehkemaya Berze bi betalkerdişê qerarê dosya semedê newe ra bêro muhakemekerdiş, erşawit Mehkemaya Cezaya Giran a 9. ya Amedî û qerarê dewamkerdişê tepiştişê Ayşe Gokkan da.
