Avukat Ercan Kanar îfade kerd ke ”heqê hêvî” yo ke Komîteya Wezîran a Konseya Ewropa na aşme de do bigîro dest, ganî Qanûnê Bingeyî de bêro cakerdene û vat: ”Cezaya hepsî ya muebetê giranî ya heta mergî ganî qanûnî ra bêro vetene.”
Komîteya Wezîran a Konseya Ewropa êlula 2025î de do derheqê Rayberê Şarê Kurdî Abdullah Ocalan, Emin Gurbah, Ciwan Boltan û Hayatî Kaytanî de ”heqê hêvî” newera bigîro dest.
Mehkemeya Heqanê Merdiman a Ewropa (MHME) derheqê Rayberê Şarê Kurdî Abdullah Ocalanî de 18ê adara 2014î de qerarê binpaykerdişê ”heqê hêvî” girewt. Dima ra derheqê tepişteyan Hayati Kaytan, Emin Gurban û Civan Boltanî de zî qeraro winayên ame girewtene. Rixmo ke 11 serrî ravîyartî Tirkîya badê nê qerarî gamêke nêeşt.
Avûkat Ercan Kanar îfade kerd ke ”heqê hêvî” yo ke Komîteya Wezîran a Konseya Ewropa na aşme de do bigîro dest, ganî Qanûnê Bingeyî de bêro cakerdene û vat: ”Cezaya hepsî ya muebetê giranî ya heta mergî ganî qanûnî ra bêro bêro vetene.”
Kanar qerarê MHME yo ke derheqê Ocalan û dewayanê bînan de ame girewtene, vist vîrî û vat Tirkîya 11 serrî yo nê qeraran nêana ca. Kanar ard ziwan ke tay welatanê Ewropa cezaya muebetê giranî zî wedarita û vat: ”Hêvîkerdişê azadîye heqêko bingeyî yê heqê merdiman o. Goreyê pêşnîyazê Konseya Ewropa cezayî ganî ambênê 8-14 serran de bêrê destgirewtene.”
Kanar vat semedê prosesê çareserîye efo pêroyî hewce keno vist vîrî ke hûmara tepişteyan ke zîndan de yê resaye 430 hezaran. Kanar reyna semedê heqê perwerdeyê ziwanê dayîke û prosesê aştîye yo zelalî veng da. Kanar nimûneyê Nelson Mandela vist vîrî û vat: ”Ocalan zî ganî heme hetanê komelî de pêvînayîş bikero.”
