Bi îdîaya “propagandaya rêxistine” 3 serrî cezaya zîndanî dîyaye sîyasetmedare Aysel Tugluk
Dewaya ke bi îdîyaya “propagandaya rêxistine” vera wekîla verên a HDP’yî Aysel Tugluk ameybî akerdene, roniştişê ci yê qerarî yê 14ê çeleyî de Mehkemeya Cezaya Giran a 6. ya Amed de ame kerdene.
Aysel Tugluka ke bi sebebê rewşa xo ya weşîye tewrê ci nêbîye, avûkatê ci Serdar Çelebî roniştişî de hazir bi. Heyetê mehkema bi îdîaya “propagandaya rêxistine” 3 serrî cezaya zîndanî daye Tugluk.
Aysele Tugluka ke wextêk hemserekîya Kongreya Komelê Demokratîkî kerdbî 2016î de ameybî tepiştene û cezaya 10 serran dîyayebî ci. Aysel Tugluka ke zîndan de nêweşîya Demansî girewte, bi raporî ke ‘a nêeşkena zîndan de bimana’ yê Dezgehê Tîpê Edlî 27ê teşrîna peyên a 2022î de Zîndanê Kocaelî ra ameybî tehlîyekerdene.
