Rayberê Çimdarîya Heqanê Merdiman ê Sûrîye (SOHR) eşkera kerd ke çeteyanê Colanî Rojavayê Kurdîstanî de pakîya etnîkî herême de vera kurdan kenê û vat: “Beno ke Helebce û Enfal Sûrîye de tekrar benê.”
Rayberê Çimdarîya Heqanê Merdiman ê Sûrîye (SOHR) Ramî Ebdulrehman derheqê hêriş û qirkerdişanê çeteyanê HTŞ û SMO’yî yê vera Rojavayê Kurdîstanî eşkerayîyêk vila kerde. Ramî Ebdulrehmanî dîyar kerd ke ê serdemêko zaf hesas ra vîyarenê û goreyê nê hesasîyetî ganî helwêst bêra mojnayene.
Ramî Ebdulrehmanî îfade kerd ke grûbê çekdar ê veradayeyî ke kîşta hêzanê hukmatî de şer kenê, herêmanê kurdan ê Rojavayê Kurdîstanî de qirkerdişê etnîkî kenê û vat: “Beno ke Helebçe û Enfal reyna Rojava de bi destanê grûbanê çete vera kurdan tekrar bibê.”
