Amadekarîyê programê serrgêra yewin a vengdayîşê Aştî û Komekê Demokratîk ê 27ê sibate yê Rayberê Şarê Kurdî Abdullah Ocalanî qedîyayê. Çimê raya pêroyî zî mesajê Abdullah Ocalanî yo newe de yo.
DEM Partî derheqê serrgêra yewin a vengdayîşê Aştî û Komelê Demokratîk a vengdayîşê Aştî û Komelê Demokratîk ê 27ê sibate yê 2025î ke hetê Rayberê Şarê Kurdî Abdullah Ocalanî ra amebi kerdene, programêk organîze kena. Amadekarîyê seba programo ke do Sehneyê Yilmaz Guney ê qezaya Çankaya ya Anqara de bêro kerdene, qedîyayê. Zafêrê 150 sazgehê çapemenî û rojnamegerî do programê taqîb bikerê. Sewbîna çapemenîya dinya zî eleqeyêka girde mojnaye. Salona programî de bi Kurdkî, Tirkî û Îngîlîzkî pankarto ke ser de, “Serrgêra yewin a vengdayîşê Aştî û Komelê Demokratîkî” nuseno, ame aliqnayene.
Hemserekê Pêroyî yê DEM Partî Tuncer Bakirhan û Tulay Hatîmogullari, endamê Heyetê Îmralîyî yê DEM Partî, xeylê parlamenter, sîyasetemedarî beşdarê programî benê.
Programî de mesajê Rayberê Şarê Kurdî Abdullah Ocalanî yo newe do bêro wendene. Program do saete 11: 00î de dest pêbikero. Çimê raya pêroyî mesajê Abdullah Ocalanî yo newe de yo.
