Xeylê cinî Vakurê Kurdîstan û Tirkîya ra seba “Rayîrşîyayîşê Aştî” Anqara de ameyê têhet. Polîsî hewl danê ke rayîrşîyayîşê cinîyan asteng bikê.
Xeylê cinî Vakurê Kurdîstan û Tirkîya ra bi pêşengtîya “Înîsîyatîfê Cinîyan ê Mi rê Aştî Lazim a” Anqara de bi waştişê “aştî” ameyê têhet. Cinîyê ke Guvenpark de ameyê têhet, waşt ke ver bi meclîs rayra şêrê. Labelê polîsan nêverda cinîyê ke bi otobusan ameyê parke, peya bibê. Polîsê ke otubusê cinîyan vindarnayêd, cinîyî tehdît kerdê û vat, ‘Ma do otobusanê şima girê bidê.”
Nê tehdîtî ra pey tayê şoforan hewl da ke otobusanê xo apey biancê. Demo ke cinî otobuse ra ameyê war û înan waşt ke dest bi rayîrşîyayîşî bikerê, na rey zî şoforan riyê zilmê polîsan ra berî nêakerdê û nêverda cinî otobusan ra bêrê war. Cînîyan vera astengkerdişî reaksîyon mojna û dima otobusî berdê verê berê Çankayayî yê Meclîsî.
Grûbêka cinîyan ê ke tîya peya bîyê, rixmê astengkerdişan zî ver bi Meclîs rayîrşîyayîş da destpêkerdene.
