Cinîyê durzî ke aşma temmuze de hêrişanê komanê girêdayeyê hukmatê Şamî reyde rî bi rî mendê, Neteweyanê Yewbîyayeyan de ameyê goşdarîkerdene.
Sucê vera merdimîye yê hêz û grûbê girêdayeyê hukmatê demkî yê Şamî rojevê Neteweyanê Yewbîyayeyan (NY) de yo. Enstîtuyê Perwerde û Cigêrayîşî yê NY’yî (UNITAR) derheqê mexduranê hêrişanê zayendî yê Siwêda de daneyê muhîmî kom kerdê. Seba ke sucê vera merdimîye yê leşker û grûbanê ke girêdayeyê Şamî yê bêrê erjnayene, ewil Pêşengê Dînî yê Durzîyan Şêx Muwafaq Tarîfî qisey kerd. Tarîfê derheqê hêrişanê zayendî yê vera cinîyan û terorîzmê hêzanê Şamî bi hewayêko akerd.
Cinîyan behsê hêrişî kerd
Qiseykerdişê Tarîfî ra pey qiseykerdişê cinîyan hetê UNITAR’î ra ameyê komkerdene û dima ra cinîyî ameyê goşdarîkerdene. Cinîyê ke riyê înan seba ewleyî bi rayîrê zîrekîya viraşte ame bedilnayene, behsê hêrişanê zayendî kerd. Mexduranê mesela ra yew zî kênekêka 14 serrî ya û 5 cinî ameyê goşdarîkerdene. Cinîyan behsê demo ke hêrişanê zayendî reyde rî bi rî mendê û zor û zehmetîyê ke hedîse ra pey ciwîyayê, kerd.
