Riha – Emîra Mihemmed a ke şarê Ereban ra ya û Sosin Osêv a ke şarê Ermenîyan ra ya, cepheya YPJ’yî de vera hêrîşanê Tirkîya û SMO de şer kenê. Her di cinîyan zî va ke ê sey parçeyê Rayberîya Xoserî hemverê hêrîşan de vindertê û erdê xo pawenê.
Emîra Mihemmedî ard ziwan ke YPJ û YPG’î verê DAÎŞ’î de rolêko muhîm kay kerdo û serkewtê. Aye va ke nika wazenê ke bi nê hêrîşan DAÎŞ reyna xo organize bikero. Emîra va ‘Sey yew cinîya erebe ez zî wazena hesabê nê hêrîşanê Tirkîya ke însanîye binpay kenê, bêro persayene.’
YPJ’yîya Ermene Sosin Osêv zî qisey kerd û va ke a mintiqa de şarê cîya-cîyayî pîya ciwîyenê. Osêvî va “Ma Suryan, Ermenî û heme şarî pîya yê. Ma heme yew ê. Ma şar û erdê xo pawenê. Gama ke Erdogan hêrîş keno, heme ma ser hêrîş keno.” Aye veng da heme cinîyan ke hemverê nê hêrişan de vinderê.
