Meclîsê Ciwanan ê DEM Partî yê Riha semedê tewrbîyayîşê rayaşîyayîşê ke do mabênê tarîxanê 1-4ê nîsane de Amedî ra ver bi Amara bêro kerdene, veng da.
Meclîsê Ciwanan ê DEM Partî bi şîarê ‘Komelê Demokratîkî reyde ma ver bi azadîye şinê’ Amedî ra ver bi Amara mabênê 1-4ê nîsane de rayraşîyayîşê dergî do bikero. Meclîsê Ciwanan ê DEM Partî yê Riha verê banê ke Rayberê Şarê Kurd Abdullah Ocalan tede bîyo de eşkerayîya çapemenîye daye û semedê tewrbîyayîşê rayaşîyayîşî veng da.
Seyit Ahmet Şahînî ard ziwan ke berpirsîyarîya tarîxî ya nê rayraşîyayîşî est a û vat: ”Azadîya Rayber Apoyî azadîya şaran a. Gerek ciwanî tewrê nê rayraşîyayîşî bibê. Ma ciwanî vanê ke haştîye û demokrasî têna bi azadîye benê û semedê nê têkoşîn kenê. Ma tîya ra azadîya rayberê şaran Ocalanî û azadîya heme şaran wazenê. Ma veng danê ciwanan ke wa tewrê rayraşîyayîşê ma yê Amedî ra ver bi Amara bibê.”
Eşkerayîye bi slogana “Bijî Serok Apo” qedîyaye.
