Ciwananê enternasyonalîst ê Almanyayî, peroyî şaristanan de vejîyayê waran û seba Rojava çalakîyê cîya-cîyayî viraştî. Çalakîyan de wina ame vatene: “Kobanî hêvîya ma ya. Vengê şorişê cinî reseno Almanya.”
Xeylê şaristananê Almanya de ciwananê erternasyonalîstan seba pawitişê şorişê Rojava bi hewayanê kewtişê unîversîteyan, çalakîyî afîş, sprey û protestoyan vera endustrîya çekan çalakî viraştî.
Bi taybetî şaristanê Nürnberg, Göttıngen, Köln, Stuttgart û Munîhî, pêroyî Almanya de ciwanan seba bale biancê serê hêrişanê Rojava û pawitişê şorişî çalakîyê cîya-cîyayî viraştî. Nürnberg de ofîsê partîya SDP’yî ame îşxalkerdiş, Köln de unîversîteyî bîyê wareyê munaqaşeyê wendekaran. Stuttgard û Gostenhof de çalakîyî spontane ameyê viraştene, Berlîn û Touloseyî de çalakîyî sprey û grafî ame kerdene. Munîh de çalakîyî boyaxkerdişî vera endûstrîya çekan ameyê kerdene û Koblenzî erebeyê şîrketê Thalesî ameyê şikitiş. Nê çalakîyanê ciwanan de mesajê piştgirîya mîyanneteweyî berdê kuçeyan.
NURNBERG
Nürnberg de grûbê ciwanan ofîsê partîya SPD’yî îşxal kerd û vengda sîyasetmedaran ke vera polîtîkaya emperyalîste bêveng memanê. Çalakîkeran wina vat: “Embazê ma yê Rojava vera DAIŞ’î xoverdayîş de yê la sîyasetmedarê almanî bêveng manênê. Kobanî hêvîya ma ya!”
GOTTINGEN
Göttingen de ciwanan seba şorişê Rojava standê agahîyî ronayê. Ciwanan eşkerayîya xo de wina vat: “Wextêko hêzê primîtîfî hêrişê Rojava kenê, ê hêrişê azadîya cinî û komelê ekolojîkî kenê. Têkoşînê înan têkoşînê ma yo.”
KOLN
Unîversîteya Kölnî de wendekaranî ke unîversîte îşxal kerdbî, hêrişê serê Rojava munaqaşe kerdê. Munaqaşe bi taybetî têkoşînê hemverê DAIŞ’î yê serranê 2014-2019î û rolo pêşeng ê Rojava têkoşîna azadîya cinî ser o vindertî.
Hewteyê Çalakîyanê Kurewî
Çarçewaya hewteyê çalakîyanê kurewî de şaristanê Kassel, Mannheim, Kiel, Stuttgart, Duisburg û şaristanê Zûrîh ê Swîsreyî de afîş ameyê aleqnayene û paştîdayena Rojava ameye mojnayene. Çalakîkeran serrgêra xoverdayîşê Kobanî yê 26ê çeleyê 2025î hetê YPJ û YPG’yî verva DAIŞ’î ard vîr û wina vat: “Ma erjanê mîyanneteweyî yê vatişan ra bawer nêkenê. Vengê şorişê cinî reseno Almanya.”
Çalakî heme şaristanan de vila benê
Stuttgart û Gostenhof’î de çalakîyî spontane ameyê viraştene, ciwanan Aachene ra mesajê paştîdayîşî şarê Rojava rê erşawit. Berlîn û Touloseyî de bi çalakîyanê sprey û grafî temsîlîyetê konseya demokratîk a Rojava, azadîya cinî û modela cuya zafneteweyî ameye pawitene.
Mûnîh de çalakîya boyaxkerdişî vera endustrîya çekan ameye viraştene. Aktîvîstan wina vat: “Ma wazenê nê şerî de bale biancê tewrbîyayîşê sîyaset û endustrîya çekan ê Almanan ser o.”
Koblenze de ciwanan bi xerapnayîş û şikitişê wesayîtanê şîrketê Thalesî vera hêrişanê Rojava reaksîyon mojna.
Ciwanan heme çalakîyan de xorayraberdiş û şorişê cinî reyde vengdayîşê paştîdayîşî kerd û vat, “ti çalaki zaf qije, ti çalaki zaf gird nîya. Cayê xo yê konforî ra vejîyê û bikewê kuçeyan.”
